पुणे : कर्नाळा चॅरिटेबल ट्रस्ट तर्फे राज्यस्तरीय राष्ट्रभक्ती साहित्य संमेलनात पर्यटनरत्न पुरस्कार अॅग्रो टुरिझम विश्वचेसंस्थापक प्रा. गणेश चप्पलवार यांना प्रदान करण्यात आला आहे. गेल्या चार वर्षांपासून कृषी पर्यटनाचे उत्तम मार्केटिंग केल्यामुळे त्यांना हा पुरस्कार जाहीर झाला.
कृषी पर्यटन विश्वच्या माध्यमातून चप्पलवार चार वर्षांपासून शेतकरी, कृषी पर्यटन चालक आणि पर्यटकांसाठी प्रशिक्षण, कार्यशाळा घेणे. कृषी पर्यटन चालकांसाठी हक्काचं व्यासपीठ उपलब्ध करून देणे. पर्यटकांसाठी वेगळा अनुभव घेण्यासाठी सहलींचे आयोजन करणे यांसारखे उपक्रम राबवत असतात.
राज्यातील कृषी व ग्रामीण पर्यटनाचे प्रचार व प्रसार करण्याचे काम तसेच शेतकऱ्यांना कृषी पर्यटन शेतीपूरक व्यवसायाचे महत्व पटवून देण्याचे काम कृषी पर्यटन विश्वच्या माध्यमातून केले जात आहे. कृषी पर्यटनाचे उत्तम मार्केटिंग करत असल्यामुळे चप्पलवार यांना हा पुरस्कार प्रदान करण्यात आला.
पर्यावरण, पर्यटन, कृषी, सामाजिक, संगीत, साहित्य, उद्योग क्षेत्रात उल्लेखनीय कार्य केल्याबद्दल कर्नाळा ट्रस्ट तर्फे सत्कार करण्यात येत असतात. यावेळी संमेलनाचे अध्यक्ष संत साहित्याचे अभ्यासक डॉ. रामचंद्र देखणे, स्वागताध्यक्ष डॉ. बबन जोगदंड, उद्घाटक स्वयंप्रभादेवी मोहिते पाटील, प्रमुख अतिथी म्हणून धर्मदाय आयुक्त सु. मु..बुक्के आदी मान्यवर उपस्थित होते.