पुणे : स्वातंत्र्याच्या अमृत महोत्सवानिमित मंथन फाऊंडेशन तर्फे लालबत्ती भागातील वेश्याव्यवसाय करणाऱ्या ७५ महिलांना गरजेच्या वस्तूंचे वाटप करण्यात आले. क्रांति दिनानिमित्त घेण्यात आलेल्या या कार्यक्रमात छत्री, सॅनिटरी पॅड, टूथ ब्रश इत्यादी वस्तूंचे वाटप करण्यात आले.
मंथन फाऊंडेशनच्या अध्यक्षा आशा भट्ट यांनी पत्रकारांशी बोलताना सांगितले की, लालबत्ती विभाग हा दुर्लक्षित आहे. महिलांना अनेक अडचणींना सामोरे जावे लागते. संस्था महिलांसाठी आरोग्य तपासणी, गुप्तरोग, एचआयव्ही, एआटी ची औषधे, क्षयरोग, कॅन्सर आदी कामे करते. तसेच सामाजिक योजना आधार कार्ड, रेशन कार्ड, संजय गांधी योजनांसाठी काम करते.
कार्यक्रम यशस्वी करण्यासाठी प्रकल्प व्यवस्थापक वृषाली गोरे, गणेश खेडेकर, आरती गणुरे, मेरी डिसुझा, राधा पाटील, सुरेखा राठोड, रमा कतीब, छाया साळुंखे आदींचे सहकार्य मिळाले.
