बार्शी : लायन्स क्लबच्या अंतर्गत तरूणांसाठी कार्यरत असलेल्या लिओ क्लबच्या प्रांताध्यक्षपदी बार्शीचे तरूण उद्योजक पवन श्रीश्रीमाळ यांची निवड करण्यात आली. या निमित्ताने श्रीश्रीमाळ यांना सांगली, सातारा, कोल्हापूर, रत्नागिरी, सिंधुदुर्ग व सोलापूर या सहा जिल्ह्यांतील लिओ क्लबचे प्रतिनिधीत्व करण्याची संधी मिळाली आहे.
सांगली येथे लायन्स क्लबच्या 3234-डी 1 ची राज्यस्तरीय बैठक पार पडली. लायन्स क्लबचे प्रांतपाल सुनिल सुतार यांच्या अध्यक्षतेखाली नूतन पदाधिकार्‍यांची यावेळी निवड करण्यात आली. यावेळी लायन्स क्लबचे नूतन प्रांतपाल राजशेखर कापसे, उपप्रांतपाल भोजराज नाईक निंबाळकर, एम.के.पाटील, अशोक मेहता, राजेंद्र कासवा, अ‍ॅड. श्रीनिवास कटकुर, अ‍ॅड.आनंद सागर हे उपस्थित होते.
लिओ क्लबचे नूतन प्रांताध्यक्ष श्रीश्रीमाळ यांनी यापूर्वी लिओ क्लबचे बार्शी तालुकाध्यक्षपद भूषवले आहे. मागील वर्षभरात क्लबच्या माध्यमातून राबवलेले सामाजिक उपक्रम व कार्याची दखल घेत श्रीश्रीमाळ यांना लायन्स क्लबने राज्यपातळीवर काम करण्याची संधी दिली.
श्रीश्रीमाळ यांच्या मागदर्शनाखाली लिओ क्लब बार्शीच्या पदाधिकारी व सदस्यांनी मागील वर्षभरात अनेक सामाजिक उपक्रम राबविले आहेत. याची दखल घेत लायन्स क्लबने पवन श्रीश्रीमाळ यांची निवड केली.
