पुणे : जागतिक वसुंधरा दिनाच्या निमित्ताने पुणे आर्क युथ ग्रुपच्या युवकांनी सकाळी ९ ते ११ या वेळेत संभाजी पार्कच्या परिसरामध्ये Voice for Green Earth हा उपक्रम राबवला.
वसुंधरेचे हिरवे लेणे,पर्यावरण आणि वृक्षांना वाचवणे या आशयाचे पर्यावरण विषयक संदेश पोस्टर घेऊन युवकांनी पर्यावरण विषयी जनजागृती केली. पुणे शहरातील विविध भागातील ४० युवकांनी सदर उपक्रमामध्ये सहभाग घेतला.
या उपक्रमाचे आयोजन विश्वाजा कुचेकर, अविनाश अवघडे, प्रिया अवघडे, सिद्धेश मळगी, विनोद गुंजावटे, ऋषिकेश बनसोडे, प्रमिला वाघमारे, नेहा कसबे, अभिजित जाधव, अभिषेक क्षीरसागर, अजय बनसोडे यांनी केले.
२२ एप्रिल ( जागतिक वसुंधरा दिन ) ते ५ जून ( जागतिक पर्यावरण दिन ) पर्यंत युथ फॉर इकॉलॉजीकल सस्टेंब्लीटी यायुवकांच्या राष्ट्रीय नेटवर्कच्या पुढाकारातून महाराष्ट्रातील विविध भागामध्ये पर्यावरण विषयक जनजागृती केली जाणार आहे. या उपक्रमामध्ये पुण्यातील आर्क नेटवर्क युथ स्वयंप्रेरणेने सहभागी होणार आहेत.
