राष्ट्रीय अग्निशमन सेवा सप्ताहच्या निमित्ताने सेफ किड्स फाउंडेशन संस्थेने पीएमआरडीए अग्निशमन दलाच्या सहकार्याने विश्वशांती गुरुकुल स्कूल, लोणी काळभोर येथे अग्निशमन प्रात्येक्षिक दाखविण्यात आलीत. यामध्ये एकूण ७०० विद्यार्थी, २० शिक्षक सहभागी झाले होते. हे प्रात्यक्षिक श्री. विजय महाजन फायर स्टेशन ऑफिसर यांच्या मार्गदर्शनाखाली पार पडले.
राष्ट्रीय अग्निशमन सेवा सप्ताह हा १४ ते २० एप्रिल दरम्यान पाळला जातो व या वर्षीची थीम ही ‘शिका अग्निसुरक्षितता – वाढवा उत्पादकता’ अशी आहे. अग्निशमन प्रात्येक्षिक दाखविण्यामागे विद्यार्थ्यामध्ये जनजागृती निर्माण करण्याच्या उद्देशाने हे प्रात्यक्षिक आयोजित केले होतो.
सेफ किड्स फाउंडेशन संस्था मागील ६ वर्षापासून पुणे, पिंपरी चिंचवड व पीएमआरडीए या परिसरात अग्नी सुरक्षा बाबत जाणीव जागृती करण्याचे काम करत आहे. या वेळी शाळेच्या मुख्याध्यापिका श्रीमती मंजुलीता वर्मा उपस्थित होत्या.
