लोणावळा : इंडिया स्पॉन्सरशिप कमिटी (ISC) आयोजित कलारंग २०२४ – हस्तकला प्रदर्शन आता लोणावळ्यात होणार आहे. “व्हायब्रन्ट इंडिया” या थीम मार्फत या प्रदर्शनात वैविध्यपूर्ण पारंपरिक कला, वस्त्र व अलंकारांची उधळण होणार आहे. हे प्रदर्शन २६ व २७ जानेवारी रोजी अंतर भारती बालग्राम, लोणावळा येथे पाहण्यासाठी सर्वांसाठी खुले असणार आहे.
ISC १९६७ पासुन समाजातील वंचित वर्गाच्या प्रगतीसाठी काम करत आहे. ‘कलारंग – २०२४’ च्या माध्यमातून सर्व मुले त्यांचा स्वतःचा दृष्टिकोन आपल्या कलेतून मांडणार आहेत. या सर्व कलाकृती पर्यावरणपूरक व शाश्वत पद्धतीचा वापर करून तयार केल्या जात आहेत.
या प्रदर्शनात वस्त्रोद्योग, हस्तकलाविष्कार, मॉर्डन आर्ट, होम डेकोर, पारंपारिक छपाई कला असे बरेच कलाप्रकार पाहता आणि खरेदी करता येणार आहेत. या प्रदर्शनाच्या निमित्ताने ‘बेटी पढाओ, बेटी बचाओ, बेटी कमाओ‘ या आमच्या व्हिजन सोबत जोडले जाऊ शकता व प्रदर्शनामुळे मुलांमध्ये भरलेला आनंद, आशा व उत्साह अनुभवण्यासाठी प्रदर्शनाला भेट देण्याचे आवाहन संस्थेमार्फत करण्यात आले आहे.